Түг...
Хаалгыг минь цаас тогшиж байна
Нүднээс минь түрүүлээд
Нулимс тайлж өгөхөөр гүйчихлээ
. . .
Хөлс минь шингэдэг бяцхан цэцэг
Хөлийн дайтай ургажээ.
Хүний нутаг
2010.2.20
. . .
Сарны туяа
Сүүлчийн багийг минь
Хуу татан хаялаа
2010.2.12
. . .
Цоо шинэ нар
Цоо шинэ багийг
Нүүрэнд углав
. . .
Хүмүүс намайг солиотой гэж ард минь шивнэхэд
Хамгийн сүүлчийн нөхөр минь толгой сэгсрэн одоход
Хайртай бүсгүй минь тэнэг гэж гомдлон уйлахад
Сайн үйл хийж дээ гэж
Дотроо шивнэн инээлээ
. .