Бурханы нулимс өдрийн тэнгэрт дүүлэх гэрэлт цох
Цаг хугацаа тэнгэрт тогтсон бороон дусал
Бүүдгэр гуниг минь мартагдсан бийрний үзүүрт хатсан шар өнгө
...
Хуучин хот мартагдсан гудамж
Амь тавьж буй гэрэлт цох
Амжиж харсан бол чи хайрлах л байсан даа
Амьдралыг хайрлах л байсан
...
Чамд бичсэн шүлгээ
Үг бүрээр нь шараар будаад
Үхсэн навчисын гүнд нуучих яа
Хэн нэгэн олоод ( олох л болно)
Нисэж амжаагүй гэмшилийн шувуу гэж нэрлээд санаа алдаг
Энэ бүхний төлөө амьд явьяа
Амьдраагүй мэт амьдрая
...
Хацар дээр буусан бороон дусал
Хэзээ нэгэн цагт хаа нэгтээ болсон азгүй дурлалыг надад шивнэсэн
Харуусалт тэр түүхийг шүлэг гэж нэрлээд
Дүлий тэнгэрт би уншиж өгсөн
Сонссондоо тэр сонссон
Сонссон болоод л чимээгүй байгаа юм
...
Ард чинь үлдсэн лаа унтараагүй юм шүү
Мартагдсан болохоос...
2009 Инчёон
2 Responses
  1. Arima Says:

    amjij harsan bol hairlah l baisan daa
    amidraliig hairlah l baisan...


  2. yadaj eniig hairlaj surahsan